“Yüz ildən bir türklər gəlib bizi dəstəkləyib istəyimizə çatdıracaqlar, bəs özümüz nə vaxt qeyrətə gələcəyik?”


“Əlbəttə, bu 102 il bundan öncə olsa da, qoy sən də, mən də, elə bizim bütün xalqımız da hesab etsin ki, bu dünən olub. Həm unutqanlıq olmasın, həm də o cür şeylər yada düşəndə xalq həmişə güclü olur”
Bunu Moderator.az-a açıqlamasında yazıçı Seyran Səxavət deyib. Yazıçı Bakının işğaldan azad edilməsində iştirak edən türk ordusunun ruhu qarşısında baş əydiyini bildirib:
“15 sentyabr tarixini təkrarlamaq üçün türk qardaşlarımız gəliblər. Əlbəttə, bu 102 il bundan öncə olsa da, qoy sən də, mən də, elə bizim bütün xalqımız da hesab etsin ki, bu dünən olub. Həm unutqanlıq olmasın, həm də o cür şeylər yada düşəndə xalq həmişə güclü olur. Bu çox yaxşıdır, gözəldir. Mən Nuru Paşanın başçılığı ilə Bakıya gələn həmin döyüşçülərin hamısının ruhu qarşısında baş əyirəm və özümüzünkilərə də deyirəm ki, a bala, elə bu 100 ildən bir türklər gəlib bizi dəstəkləyib istəyimizə çatdıracaqlar, bəs biz özümüz nə vaxt qeyrətə gələcəyik? Ümumiyyətlə, mən istəmirəm ki, kiməsə ümid olaq, hətta qardaşımıza da. Ruslarada bir söz var deyir ki, “mamenni snoçik”, yəni “ana uşağı”. Biz nə vaxta qədər belə olacağıq? Ağır da olsa, belə bir gündə biz elə yüz il bundan qabaq hardaydıqsa, elə indi də ordayıq, heç yüz millimetr irəli getməmişik. Yenə həmin erməni-müsəlman problemi yerində qalır. Ümumiyyətlə, arzu edirəm ki, elə bir problemimiz olmasın ki, kimsə bizə köməyə gəlsin. Amma köməyə gələnlərə həmişə eşq olsun”.
Qeyd edək ki, bu gün Bakının bolşevik-daşnaq işğalından azad edilməsindən 102 il ötür. 1918-ci il sentyabrın 15-də Azərbaycan və türk əsgərləri Bakını bolşevik-daşnak işğalından azad edərək Azərbaycan dövlətinin tarixinə şərəfli gün yazıblar.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir